شيفا07 Admin
المساهمات : 9 تاريخ التسجيل : 14/09/2008
| موضوع: (((((( قاموس شامي برعية نجوم باب الحارة سعاد خانم و فريال + فوزية ®™ )))))) السبت سبتمبر 20, 2008 5:42 pm | |
| السلام عليكم
قاموس شامي عربي
ماني غضران : يعني لست بقادر وهي بالميداني
يو تشكلو آسي : تشكلو آسي ( بعيد الشر) يعني ........تعبير يفيد شدة حب المتكلم للمتكلم عنه
الواه الواه : تعبير نسائي يفيد التمسخر على شيء ما
معبا بنطرون : يعني واحد أجدب وجاية يحكي
ولا : أداة تستخدم في النهر والشتم
دشرني : أي حل عني ...وحل عني يعني اتركني بحالي
ايدي بزنارك : تعبير يستخدم للتعبير عن الرجاء
دخيل الله: أيضا تعبير والمقصود به هو الاستغاثة بالله
شعر متل الشوشة : أي أن شعره منفوش ونكوش
وضراب السخن : وهي ومسبة وتعني ......مابعرف بس مسبة وبنفس المعنى كلمة وضريب
يو الواه الواه : مفردة شهيرة جدا عند النساء وتفيد الأوية
كوكش: يعني الزلمة يلي>>كتير بيفتش وبينكت
بحبش : أيضا مفردة تعني البحث مع التمحيص
ينمحئ : . .. و يعني ينضرب على قامتو .. يسطفل>>>>يتحورق . كمان متل يبعتلو حمى
عود يقعد رزك :. .. يعني خيلتنا حاجة تحوص . . المعنى الادق يقعد رزك يعني >>تموت و الناس ياكلو رز . .. لانو لما
حدى بيموت من العادات انو بتصير>>عزيمة و بيطعمو الناس اوزي على روح الميت و الاوزي اكله معروفة بالشام
وين غاطط . يعني وينك مو مبين
و السبع تنعام :. .يعني النا الشرف
ما بيعرف الخمسه من الطمسه: عن الرجل اللي ما عندو ثقافه
سري مري :عاللي بيخفق برات البيت لسا رايح سري مري
عالحكي اللي بلا طعمه: شروي غروي او شندي يندي
مجنط : يعني مفلس و صفيان عالحديدة
فايت بالحيط : يعني وضعو مخربط ومو على بعضو وبيقولو كمان عالبشعين هيك
طاقين فيوزاتو : يعني جانن وفي كمان مصيف و مأجر الطابق الفوئاني
مأنشح : كحته و بيحب الشحته -ايدو ماسكه على البخيييييييييييل
شاطط و ماطط : .>>يعني مدلع زيادة
نعيان : . .. يعني هيك قلبو بارد
وفي سهيان : يعني نعسان ونايط
نايط : نعيان = بارد
شاضومه: ... يعني بنت مجلوئة . ..يعني كيف بدي الكن .. مصبينه
شرنة : يعني فوضوية ووسخة
وخمة : وسخة
مسرسبة : يعني بتحب النظافة كتير
اسيييييييييع - اوعى الزيت: بمعنى ممكن تاخد طريق
اغيييييييييي : هي للابضايات وبس
و يبعتلو اتلو : .. كمان يعني يموت>>>>و سمج يعني غليظ
سري مري : . . يعني رايح جايه
موسوس : يعني مهووس بشغله
عقلو جوزتين بخرج . . يعني عقله صغير
متل الاطرش بالزفة : . .. يعني مالو علاقة بالموضوع
حاج تحوص : يعني حاج تفتل و تدور
شوية لخار : بعد شوي
بنت عمي : يعني مرتو وطبعا والعكس
مأنزع : يعني شايف حالو ورافع مناخيرو للسما
ألعلي : يعني ألي عقلي
لئوي : يعني شوي شوي
عم لوب : يعني عم دور ........ عم ابحث
بوش : يعني عالفاضي
شنو : بتجي بمعنى لأن>>>>حباكل حببشرب حبروح......كلمة حب بتجي بمعنى التسويف سوف افعل كذا
شيت : تستخدم للملكية بمعنى تبع
جبللة : يعني سئيل ودم بيتقطع بالسكاكين
يئبشني : هي دعوة متل تأبرني بس معناها انو الواحد>>لما بيموت>>بيلفو متل السكرة يا لطيف ايه وهي اللفة من كل طرف اسمها أبشة
سنكوحة : يعني نحيفة (جلدة وعضمة )
سرنوة : هي مسبة بس لحد هلق ماعم اعرف شو المعنى الحرفي الها
مجولئة : يعني حلئها عريض وبتمط بالحكي
كتار غلبة : يعني حشري وبيدس انفو بكل شي
لتات : كرار او غرار = بيلعي = علاك = ثرثار
عم يترغل انكليزي : يعني بيحكي منيح هاللغة
مع تحيات اخوكم شيفا
| |
|
حويتة
المساهمات : 1 تاريخ التسجيل : 20/09/2008
| موضوع: سلام السبت سبتمبر 20, 2008 7:11 pm | |
| وعليكم السلام يا تحاتيح | |
|